Бир пайтлар манзил колонияси қаттиқ тартибли колонияда жиноий жазонинг бир қисмини ўтаб бўлганлар, жазони қолган қисмини енгиллаштириб ўташ мақсадида чиқариладиган жой эди.

Энди эса суд бирдан ўша ерда жазони ўташга ҳам ҳукм қилиб юборяпти.

Манзил колонияда маҳбус бемалол очиқда юради. Қочиб кетмаса бўлди. Ҳаттоки шартнома асосида таниш билишининг ишхонасида ишласа ҳам бўлади. Колонияга белгиланган пул келиб турса бўлди.

Манзил колонияда жазо ўталсин, дейилганда туйқусдан хоразмлик педофил адлиячи ва яқинда шу вилоятда бир аёлни мошинасида уриб юбориб ўлдирган ГАИ ходими эсга келяпти, холос.

Бирорта таниш билиш суддан шунақа колонияга жўналганини эслолмаяпмаяпман, шахсан мен масалан. Балким, Олий судда бу борада статистика ҳам бордир. Лекин даъфатадан қараганда, бу фақат ҳуқуқ-тартибот органларининг жиноятга қўл урган ходимлари учун карт-бланшга ўхшаб кўринаркан.

Менимча, бунақа колонияга жўнатишни бас қилиш керак. "Ичкари"га бир кириб чиқиб, кейин у ерда жазо ўталиши лозим.

ГАИ ходими маст ҳолда (!) мошина ҳайдаб одам уриб юбориб, ўлдирармуш-да (!!), манзил колониясида 3,5 йил (!!!) жазо ўтармиш.

Ҳэ, ўша «адолат»ингга бир нарсам.

@shokirjonov