10 феврал куни Иштихондаги уйлардан бирида "Ҳудудгазтаъминот" идораси томонидан тарқатилган носоз маиший газбаллони портлаган эди.

Ҳодиса оқибатида 5 киши жароҳатланиб, шифохонага ётқизилган. Аммо бу ҳолат ҳақида ҳеч жойда расмий маълумот берилмаган. Воқеа жойидан ҳам кадрлар йўқ – туман ҳокими аҳолини бу ҳолатни ОАВга чиқармаслик ҳақида огоҳлантирган.

Ҳозир бу оила аъзолари даволанишда ёрдам сўраб, менга алоқага чиқишди (кейинроқ хайриясини эълон қиламан). Уйдагилар жуда қаттиқ куйиш жароҳати олишган. Уч нафари ёш болалар. Улардан аҳволи энг "енгил"ларини суратини қўяяпман. Қолган беморларнинг суягигача гўшти илвираб ётган расмларни қўйиб, таъбингизни хира қилмоқчи эмасман.

Ўзининг кетини ёпиш учун ҳаттоки бўлган бахтсиз воқеани эълон қилишнинг олдини олган самарқандлик раҳбарлар ҳол аҳвол сўраб қўйса бўларди... Лекин унутманглар: сўраладиган кунларинг бор сизларни ҳам.

@shokirjonov