ОЛТИНГА САРМОЯ КИРИТАЙМИ? ЎСАДИ ЁКИ ТУШАДИ?

Бугун Ўзбекистон ички бозорида олтин нархи 2,5% га ошиб, 1 грамм учун 2 173 000 сўмлик тарихий рекордни янгилади.

Ички бозордаги танқислик: Тошкентдаги деярли барча банкларда қуймалар тугаган. Ҳозирда фақат "Халқ банки"нинг Яккасарой филиалида захира мавжудлиги айтилмоқда. Бу иқтисодиётда "талабнинг таклифдан узилиши" дейилади — одамлар пулни сақлашнинг энг ишончли йўли сифатида олтинга ёпирилган.

Глобал ва маҳаллий зиддият: Қизиқ факт шундаки, жаҳон бозорида олтин 5 400 доллардан 5 300 долларгача арзонлашди. Лекин бизда нарх кўтарилди. Сабаби: ички бозордаги юқори талаб ва миллий валютанинг қадрсизланиш хавфидан ҳимояланиш истаги жаҳон трендидан устун келди.

Геосиёсий хавф: Эрон ва Яқин Шарқдаги кескинлик олтин нархига "хавфсизлик устамаси"ни қўшмоқда. Тарих давомида ҳар қандай ҳарбий низо даврида олтин нархи камида 15-20% га ошган. Инвесторлар ҳозир ана шу эҳтимолий ўсишни сотиб олишмоқда.

Инфляцияга қарши қалқон: Олтин — узоқ муддатли (3-5 йил) истиқболда капитални сақлаб қолиш учун ягона кафолатли актив.

Бозорга кириш нуқтаси: Ҳозир нарх энг баланд нуқтада.Бу қисқа муддатли фойда кўзлаганлар учун хавфли, лекин узоқ муддатли инвесторлар учун бу ҳали "йўлнинг боши" бўлиши мумкин.

Хулоса: Ҳозирги рекорд нарх — келажакдаги янада баланд нархлар учун "паст нуқта" бўлиши мумкин. Лекин бозорга "қизиққонлик" билан киришдан эҳтиёт бўлиш лозим.

Сизчи? Хозирги кунда нималарга
Сармоя киритвоссиз?