715 МИНГ СЎМ: Сиз камбағал эмассиз!

Статистика агентлиги 2026 йил учун янги рақамни эълон қилди: Энди юртимизда камбағаллик чегараси — 715 минг сўм.

Бу нима дегани ва бизга нима беради? Келинг, оддий тилда тушунтираман:

1. Бу қандай пул? Бу — бир кишининг бир ой давомида "қорни тўйиши" ва энг зарур эҳтиёжлари (нон-чой, кийим, свет-газ) учун керак бўлган энг минимал маблағ. Бу ўтган йилга нисбатан 6,88% га ошди дегани.

2. Кундалик ҳисоб-китоб: Агар 715 мингни 30 кунга бўлсак, кунига тахминан 24 минг сўмдан тўғри келади.

Бу пулга бугун бозорда нима олиш мумкин? Масалан: 2 та иссиқ нон, озгина картошка-пиёз ёки бир литр сут.

3. Нима учун бу рақам муҳим? Бу шунчаки статистика эмас. Давлат мана шу рақамга қараб пенсияларни, нафақаларни ва кам таъминланган оилаларга бериладиган ёрдам пулларини белгилайди. Яъни, энг кам тўловлар энди шу рақамдан паст бўлмаслиги керак.

Хулоса: Камбағаллик чегараси аҳолининг камбағал қатламини аниқлаб уларга моддий ёрдам бериш учун керак.
Энг муҳими, рўзғоримизда доим барака бўлсин!

Сизнингча, кунлик 24 минг сўмлик "истеъмол саватчаси"га яна нималарни қўшиш мумкин ?