Сенат Төрағасы Мәулен Әшімбаевтың 9 мамыр Жеңіс күніне құттықтауы

Құрметті достар!

Баршаңызды Жеңіс күнімен шын жүректен құттықтаймын!

9 мамыр – сұрапыл соғыста от кешкен батырларымызды ұлықтайтын және аға буынның рухына тағзым ететін қастерлі күн. Майдангер әкелеріміз бен аталарымыздың ерлігін дәріптейтін бұл мереке бейбіт күннің қадірін арттырып, өскелең ұрпақтың бойына отансүйгіштік қасиетті дарытады.

Президентіміз Қасым-Жомарт Кемелұлы Тоқаев атап өткендей, даңқты ерлеріміз Екінші дүниежүзілік соғыс кезінде қайтпас қайсарлықтың озық үлгісін көрсетті. Олардың есімін ұлт жадында сақтау – біздің перзенттік парызымыз.

Осы мақсатпен Мемлекет басшысы мереке қарсаңында Берлиннің Ратуша ғимаратына Жеңіс туын ілген взвод командирі марқұм Кенжебай Мәденовке Халық Қаһарманы атағын беру туралы Жарлыққа қол қойды. Бұл жалпы ардагерлерге деген құрметтің және тарихи әділдікті қалпына келтірудің жарқын көрінісі екені анық.

Мемлекет басшысының тапсырмасымен мереке аясында бүгін еліміздің Премьер-Министрі Олжас Бектеновпен және Мәжіліс Төрағасы Ерлан Қошановпен бірге «Отан-Ана» монументіне гүл шоқтарын қойып, соғыс құрбандарын еске алдық.

Сонымен қатар әріптестерімізбен бірге Халық Қаһарманы, Рейхстагқа алғаш болып Жеңіс туын тіккен отандасымыз Рақымжан Қошқарбаевтың ескерткішіне арнайы барып, даңқты батырдың рухына тағзым еттік.

Өшпес ерлікті ұрпаққа үлгі ететін мерекемен құттықтай отырып, еліміздегі әр шаңыраққа амандық тілеймін!

Әрқашан аспанымыз ашық болсын!

Тәуелсіз Қазақстан жасай берсін!

Жеңіс күні құтты болсын!

Facebook* желісіндегі жеке парақшасынан

@senate_kz

Сенат Төрағасы Мәулен Әшімбаев 1945 жылы Рейхстагқа Жеңіс туын тіккен даңқты батыр Рақымжан Қошқарбаевтың елордадағы ескерткішіне гүл шоқтарын қою рәсіміне қатысып, майданда қаза тапқан жауынгерлерді бір минут үнсіздікпен еске алды.

Мәулен Әшімбаев Жеңіс күні әр қазақстандық отбасы үшін ерекше мәнге ие қастерлі дата екенін атап өтті. Сондай-ақ Палата Спикері Мемлекет басшысының тапсырмасымен еліміз бойынша ауқымды іс-шаралар мен тағылымды кездесулер ұйымдастырылып жатқанын айтты.

«Біз бұл күні сұрапыл соғыста от кешкен аға буынның жанқияр ерлігі мен қайсар рухына тағзым етеміз. Соның аясында бүгін еліміздің барлық өңірінде ардагерлерімізге құрмет көрсетіліп, майдангерлердің ерліктері дәріптеліп жатыр. Мереке қарсаңында Президентіміз Қасым-Жомарт Кемелұлы Тоқаев соғыс жылдарында көрсеткен ерлігі мен батылдығы үшін марқұм Кенжебай Мәденовке «Халық Қаһарманы» атағын беру туралы Жарлыққа қол қойды. Мемлекет басшысы атап өткендей, бұл шешім – тарихи әділдікті қалпына келтірудің жарқын көрінісі. Шын мәнінде, мұның бәрі – өскелең ұрпақ бейбітшіліктің қадірін түсініп, патриот болып қалыптасуына ықпал ететін қадамдар», – деді Мәулен Әшімбаев.

Іс-шараға ардагерлер ұйымдарының өкілдері, күш құрылымдарының қызметкерлері, әскери қызметшілер және Парламент Сенатының депутаттары қатысты.

@senate_kz

Олжас Бектенов, Мәулен Әшімбаев және Ерлан Қошанов соғыс жылдарында құрбан болғандарды еске алды

Мемлекет басшысының тапсырмасы бойынша Қазақстан Премьер-министрі Олжас Бектенов, Парламент Сенатының төрағасы Мәулен Әшімбаев және Парламент Мәжілісінің төрағасы Ерлан Қошанов Жеңіс күніне орай Астанадағы «Отан Ана» монументіне гүл шоқтарын қойды.

Шараға қатысушылар соғыс жылдарында қаза тапқан қазақстандық майдангерлерді, тыл еңбеккерлерін және соғыс құрбандарын бір минут үнсіздікпен еске алды.

Жеңіс күні бейбіт өмірдің қадірін ұғындыратын, ұрпақтар сабақтастығы мен татулықты және ел тыныштығын сақтау жауапкершілігін жадымызда жаңғыртатын тарихтағы ең атаулы күндердің бірі болып қала береді.

➖

Олжас Бектенов, Маулен Ашимбаев и Ерлан Кошанов почтили память погибших в годы войны

По поручению Главы государства Премьер-министр РК Олжас Бектенов, Председатель Сената Парламента РК Маулен Ашимбаев и Председатель Мажилиса Парламента РК Ерлан Кошанов возложили цветы к монументу «Отан Ана» в Астане в честь Дня Победы.

Участники церемонии почтили минутой молчания память казахстанцев-фронтовиков, тружеников тыла и всех погибших в годы войны.

День Победы остается одной из самых значимых дат в истории, напоминая о цене мира, преемственности поколений и ответственности за сохранение согласия и мирного неба.

@KZgovernment

Мемлекет Басшысының Жарлығымен ҚР Парламенті Сенаты Төрағасының орынбасары Жақып Қажманұлы ҚР Президентінің жанындағы Адам құқықтары жөніндегі комиссияның Төрағасы болып тағайындалды.

Жақып Асанов 2016-2017 жылдары ҚР Бас Прокуроры, 2017-2022 жылдары ҚР Жоғарғы Сотының Төрағасы қызметтерін атқарды. Қазіргі уақытта ҚР Парламенті Сенаты Төрағасының орынбасары қызметін атқарып келеді.

Сонымен қатар, Қазақстан Республикасы Президентінің жанындағы Адам құқықтары жөніндегі комиссияның құрамына Сенат депутаты Жанна Асанова енді. Ол ҚР Парламенті Сенатының Конституциялық заңнама, сот жүйесі және құқық қорғау органдары комитетінің мүшесі.

@senate_kz