Сенат Спикері Мәулен Әшімбаев төрағалық еткен Палата Бюросының отырысында 30 сәуір күні өтетін Сенат отырысының күн тәртібі бекітілді.

Бюро мүшелері алдағы отырыста «Қазақстан Республикасының мемлекеттік қызметі туралы» заңды және оған ілеспе түзетулерді қарау туралы қаулы қабылдады. Құжат мемлекеттік қызметті сервистік және клиентке бағдарланған модельге көшіруге, сондай-ақ оның тиімділігі мен кәсібилігін арттыруға бағытталған.

Сонымен қатар депутаттар Мәжіліс қабылдаған заңдарды жұмыс үшін Сенаттың тұрақты комитеттеріне бөліп берді.

senate_kz