Сенат депутаттары мен Аппарат қызметкерлері Мемлекет басшысы Қасым-Жомарт Тоқаев бастамасымен қолға алынған «Таза Қазақстан» жалпыұлттық экологиялық акциясы аясында өткен жалпықалалық сенбілікке қатысты.

Бұл жолы сенаторлар елордадағы Инклюзивті спорт орталығының аумағын көгалдандырып, 200-ге жуық ағаш көшетін отырғызды. Іс-шараға Сарапшылар клубының мүшелері, Taldau мектебінің түлектері және қала тұрғындары да белсенді қатысты.

Мәулен Әшімбаев экология тек климат мәселесі емес, ол – адам өмірінің сапасына тікелей әсер ететін маңызды фактор екенін атап өтті. Оның айтуынша, мұндай бастамалар қоғамда жауапкершілікті арттырып, тұрақты болашаққа негіз қалайды.

Сондай-ақ іс-шараға Сенат жанындағы Сарапшылар клубының мүшелері, Талдау мектебінің түлектері және Бочча федерациясының өкілдері қатысты.

@senate_kz