Сенаттың Әлеуметтік-мәдени даму және ғылым комитетінің кеңейтілген отырысында әлеуметтік бағдарламалардың тиімділігін арттыру мәселесі талқыланды.

Комитет төрағасы Нұртөре Жүсіп әлеуметтік саясат тек қолдау құралы емес, экономикалық белсенділікті арттыру тетігіне айналуы тиіс екенін атап өтті. Оның айтуынша, нәтижелілік жұмыспен қамту мен табыс өсімі арқылы бағалануы қажет.

Жиында жұмыспен қамту бағдарламалары, кәсіпкерлікті қолдау және атаулы әлеуметтік көмектің тиімділігі қаралды. Қатысушылар тұрақты жұмыс орындарын құру, цифрландыруды күшейту және еңбек нарығына сай жаңа тәсілдер енгізу қажеттігін атап өтті.

@senate_kz