Innovatsion rivojlanish va axborot texnologiyalari masalalari qo‘mitasi raisi o‘rinbosari Javlon Abdullayev Qonunchilik palatasi tomonidan qabul qilingan tadbirkorlar va aholining sug‘urta bozoriga bo‘lgan ishonchini oshirishga qaratilgan qonun loyihasi haqida o‘z fikr-mulohazalarini bildirdi.

“Mazkur qonun loyihasi bugungi kunda dolzarb ahamiyatga ega bo‘lib, eng avvalo, odamlarni sug‘urta shartlari, sug‘urtadan foydalanish usullari haqida ochiq va kengroq axborot olishini ta’minlaydi. Aholi orasida sug‘urta madaniyatini oshiradi”, — dedi deputat.