Shuningdek, jinsiy erkinlikka qarshi jinoyat sodir etgan shaxslarning jazoni o‘tash tartibini qat’iylashtirishga ham alohida e’tibor qaratilmoqda. Xususan, Jinoyat-ijroiya kodeksiga kiritilayotgan o‘zgartirishlarga muvofiq, Jinoyat kodeksining 118 va 119-moddalarida nazarda tutilgan jinoyatlarni voyaga yetmaganlarga nisbatan sodir etganlik uchun hukm qilingan shaxslarning manzil-koloniyalarga o‘tkazilmaslikni nazarda tutuvchi tartib belgilanyapti.

Majlisda taklif etilayotgan o‘zgartirishlar ayollar va bolalarning huquqlari yanada ishonchli himoya qilinishiga, jinsiy zo‘ravonlik holatlarini fosh etish va bu turdagi jinoyatlarni tergov qilish sifati oshishiga hamda jazoning muqarrarligi ta’minlanishiga, shuningdek mazkur jarayonda qonunchilik talablariga rioya etilishi ustidan qat’iy prokuror nazorati o‘rnatilishiga xizmat qilishi qayd etildi.

Qizg‘in muhokamalardan so‘ng, qonun loyihasi deputatlar tomonidan qabul qilindi va Senatga yuborildi.

Veb-sayt | Telegram | Facebook*| YouTube | Instagram*|  X | ParlamentTV_RADIO | Yoshlar parlamenti