15 млн теңгеге көліктерді алдап өткізген күдікті ұсталды

БҚО-да көліктерді жалға беру сылтауымен жасалған бірнеше алаяқтық дерегі анықталды.

Полиция мәліметінше, 26 жастағы күдікті жеке кәсіпкерлік арқылы автокөліктерді ұзақ мерзімге жалға алып, кейін оларды заңсыз түрде үшінші тұлғаларға берген. Нәтижесінде көліктер иелеріне қайтарылмай, жалдау төлемдері де тоқтатылған.

Жәбірленушілерге келтірілген жалпы шығын 15 млн теңгеден асады.

Күдікті қамауға алынып, қылмыстық іс қозғалды.