Президент «Әл-Фараби» орденін енгізуді ұсынды

Мемлекет басшысы жоғары мемлекеттік марапаттар тізіміне жаңа «Әл-Фараби» орденін енгізуді ұсынды.

«Мен жоғары мемлекеттік марапаттар тізіміне арнайы «Әл-Фараби» орденін енгізу қажет деп санаймын. Бұл марапат білім мен ғылым, мәдениет пен руханият саласында зор табысқа жеткен азаматтарға беріледі»,-деді Президент.

Сондай-ақ «Мейірім», «Қожа Ахмет Ясауи» және «Әл-Фараби» ордендері биыл алғаш рет Республика күні қарсаңында табысталады.