Президент: «Адамзаттың барлық жетістігі – ғалымдардың зияткерлік еңбегінің жемісі»

Президент Ғылым қызметкерлері күнімен құттықтап, ғылымның қоғамдағы рөліне ерекше тоқталды. Оның айтуынша, кез келген озық мемлекеттің негізі – ғылым, ал басты байлығы – ғалымдар.

Мемлекет басшысы адамзат жетістіктерінің барлығы ғалымдардың зияткерлік еңбегінің нәтижесі екенін атап өтті. Сондай-ақ ғылымды дамыту, жаңа технологиялар мен жасанды интеллектіні меңгеру елдің бәсекеге қабілеттілігін арттырудың негізгі шарты екенін жеткізді.

Президент ғалымдарға алғыс білдіріп, олардың елдің әл-ауқатын арттырудағы үлесін жоғары бағалады.