Волонтерлік және азаматтық бастамаларға арналған шағын гранттар байқауы басталады

Мәдениет және ақпарат министрлігі Азаматтық бастамаларды қолдау орталығымен бірлесіп, шағын гранттар байқауына өтінім қабылдауды бастайды.

Гранттар волонтерлік бастамалар, инклюзивті қоғам және ауылдық жерлерді дамыту бағыттары бойынша беріледі.

Жеңімпаздарға 1 млн теңгеге дейін қаржыландыру беріліп, жобаны 3 ай ішінде жүзеге асыруға мүмкіндік қарастырылған.

Өтінімдер 13–30 сәуір аралығында қабылданады. Байқауға ҮЕҰ, бастамашыл топтар және 18 жастан асқан азаматтар қатыса алады.

Айта кетейік, өткен жылы 136 жоба іске асып, 10 мыңнан астам адамға көмек көрсетілді.