��«Қоқыс жинап, тегін кофе ал»: Алматы тауларында экологиялық акция басталды

Алматы тауларында экологиялық акция басталды. Енді демалушылар қоқыс жинап, тегін кофе ала алады.

«Бұтақты» визит-орталығында қолға алынған жобаға сәйкес Іле-Алатауы ұлттық паркіне келушілер жиналған қоқысты арнайы пунктке тапсырады. Тазалық шарасына қатысқандарға тегін кофе немесе шай беріледі. Бастама «Таза Қазақстан» акциясы аясында жүзеге асып жатыр. Жауаптылар бұл жоба табиғатты қорғау мәдениетін қалыптастыруға ықпал ететінін айтады.