«Artemis II» миссиясы: Ертең ғарышкерлер Жерге оралады

NASA ғарышкерлері Айды айналып өту миссиясын аяқтап, Жерге оралуға дайындалып жатыр. Болжам бойынша, олар мінген «Орион» ғарыш кемесі АҚШ-тың Сан-Диего жағалауына жергілікті уақытпен жұма күні кешкі сағат 20:00-де қонуы тиіс.

Ғарышкерлер Жерге қайтар сәтте байланысқа шығып, алдағы күндері миссия барысында түсірілген суреттермен бөлісетінін мәлімдеді. Экспедиция барысында олар Жерден шамамен 400 мың шақырымға алыстап, рекордтық көрсеткішке жетті.