Астрахан ауданында гидробекет қызметкері із-түзсіз жоғалды

Ақмола облысының Астрахан ауданында 60 жастағы гидробекет қызметкері әлі табылмай жатыр. Ол 5 сәуір күні таңғы сағат 05:30-да Қалқұтан өзеніндегі су деңгейін өлшеуге шығып, содан бері хабарсыз кеткен.

Іздеу жұмыстарына катер мен сүңгуірлердің екі тобы тартылған.

Айта кетейік, биыл өңірге еріген қар суы былтырмен салыстырғанда екі есе көп келген. Соның салдарынан өзен арнасынан асып, жағдайды қиындатқан. Қазір су деңгейі 10 см-ге төмендегенімен, іздеу жұмыстары жалғасып жатыр.