Қостанайда 3 млрд теңге субсидия қаражатын жымқырғандар сотталды

Күдіктілер жалған құжаттар арқылы ірі қара мал сатып алу мен өңдеу бойынша субсидияларды заңсыз алған. Қаражат қолма-қол ақшаға айналдырылып, кейін қайтадан жалған операциялар арқылы айналымға енгізілген.

Нәтижесінде мемлекетке 3 млрд теңгеден астам залал келтірілді. Тергеу барысында күдіктілер 107 млн теңгеден астам қаржыны ерікті түрде өтеген.

Сот үкімімен ұйымдастырушы 14 жылға бас бостандығынан айырылды. Қылмыстық топтың 14 мүшесіне 6 жылдан 10 жылға дейін жаза тағайындалды.

Сондай-ақ жалпы құны 3 млрд теңгеден асатын мүлік тәркіленді. Үкім заңды күшіне енген жоқ.