��Астанада қалалық емханалардың бірінде 675 млн теңге жымқырылған

Елордада медициналық ұйымның бұрынғы басшылығы азаматтарды емдеуге арналған бюджет қаражатын заңсыз шығару схемасын ұйымдастырғаны анықталды.

Қаражат туыстары мен үлестес тұлғалардың шоттарына аударылып, заңды операция ретінде бүркемеленген. Оның бір бөлігі қымбат техника мен Италияға сапарларға жұмсалған.

Жалпы шығын - 675 млн теңгеден асады.

Қазір аса ірі көлемде жымқыру фактісі бойынша қылмыстық іс қозғалып, тергеу жүргізіліп жатыр.