��Маңғыстаулық дәрігерлер ұшақта жолаушыға көмек көрсетті

3 сәуір күні Ақтау-Астанаға бағыты бойынша ұшқан әуе рейсінде жолаушылардың бірінің денсаулығы күрт нашарлап, қан қысымы түсіп, есінен танып қалған. Маңғыстау облысы Қоғамдық коммуникация орталығының мәліметінше, борттағы маңғыстаулық дәрігерлер бірден науқасқа алғашқы медициналық көмек көрсетуге кіріскен.

«Жағдайы нашарлаған азаматтың өңі қашып, суық тер басқан, қан қысымы төмендеп, жүрек соғысы жиілеген. Дәрігерлер қажетті шараларды жедел қабылдап, жолаушының жағдайын тұрақтандырды», - делінген хабарламада.