⚡️Алматыда сталкинг үшін сот үкімі шықты

Алматыда сталкинг дерегі бойынша ер адам кінәлі деп танылып, 100 сағат қоғамдық жұмысқа тартылды. Жәбірленушінің айтуынша, ол бес жыл араласқан азаматтың қудалауынан зардап шеккен.

Күдікті әйелдің үйі мен жұмыс маңына барып, белгісіз нөмірлерден қоңырау шалып, WhatsApp арқылы қорқыту хабарламаларын жіберген. Аталған дерек бойынша қылмыстық іс тіркелді.

Елімізде сталкинг үшін қазір 865 мың теңге айыппұл, 200 сағатқа дейін қоғамдық жұмыс немесе елу тәулікке дейін қамау түріндегі жаза көзделген.