Қарағанды облысында жол апатынан 30-ға жуық адам зардап шекті

Қарқаралы ауданы, Бесоба ауылынан 15 шақырым жерде вахталық автобус аударылып, 30-ға жуық адам жарақат алды. Автобуста шамамен 50 жұмысшы болған.

Зардап шеккендердің бір бөлігі тікұшақпен Қарағанды қаласына жеткізілді. Ал қалғандарына Ботақара кентінде алғашқы медициналық көмек көрсетілді. Дәрігерлердің қарауынан кейін 26 адам үйлеріне жіберіліп, 4 адам облыс орталығына жеткізілді.

Сондай-ақ Мақажанов атындағы көпсалалы ауруханада 7 науқас ем қабылдап жатыр. Олардың жағдайы орташа деп бағаланған.

Оқиғаның себептері анықталып жатыр.