Молитва ко святым благоверным князем Петру и Февронии, Муромским об умножении любви, укреплении семей, сохранении супружеской верности, даровании целомудрия еще не вступившим в брак и о помощи им готовящимся к вступлению в семейную жизнь

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы!
Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте.

Сего ради к вам прибегаем и молимся со усердием крепким: принесите за нас, грешных, святыя молитвы ваша ко Господу Богу, и испросите нам вся благопотребная душам и телесем нашим: веру праву, надежду благу, любовь нелицемерну, благочестие непоколебимое, в добрых делех преуспеяние*, наипаче же союзом брачным сочетавшимся даруйте молитвами вашими целомудрие, друг ко другу любовь в союзе мира, единомыслие душ и телес, ложе ненаветное, пребывание незазорное, семя долгожизненное, о чадех благодать, домы исполнены благостыни и в жизни вечней неувядаемый венец славы Небесныя.

Ей, чудотворцы святии! Не презрите молитв наших, со умилением вам возносимых, но будите приснии заступницы наши  пред Господем и сподобите нас предста¬тельством вашим спасение вечное получити и Царствие Небесное наследовати, да славословим неизре¬ченное человеколюбие Отца, и Сына, и Святаго Духа, в Троице покланяемаго Бога, во веки веков. Аминь.
_
*  если молебен совершается для готовящихся вступить в брак, то молитва читается в следующей редакции:

наипаче же хотящим союзом брачным сочетатися даруйте молитвами вашими целомудрие, друг ко другу верность и любовь в союзе мира, единомыслие душ и телес, пребывание незазорное и в жизни вечней неувядаемый венец славы Небесныя. 



В декабре 2012 года Священный Синод Русской Православной Церкви установил дополнительный день празднования памяти святых благоверных князя Петра, в иночестве Давида, и княгини Февронии, в иночестве Евфросинии, Муромских чудотворцев (в сентябре, в воскресенье перед днем памяти обретения мощей — 19 сентября) и определил в дни памяти святых супругов к сугубой ектении за Божественной литургией присоединять особые прошения.

@prichodru