Ціханоўская наведала фэст "Тутака"

Дэмакратычны лідар Беларусі Святлана Ціханоўская стала госцяй фестывалю "Тутака", які праходзіць у Гарадку на Падляшшы. Падчас візіту яна сустрэлася з беларусамі, наведала асноўныя пляцоўкі фэсту, пагутарыла з валанцёрамі, арганізатарамі і журналістамі.

У сваім выступленні Ціханоўская адзначыла, што такія мерапрыемствы дапамагаюць беларусам захоўваць нацыянальную ідэнтычнасць, мову і культуру нават далёка ад радзімы. Яна таксама падкрэсліла, што беларусам неабходна заставацца салідарнымі і працягваць працаваць дзеля таго, каб у будучыні Беларусь стала свабоднай, дэмакратычнай краінай, у якую людзі змогуць бяспечна вярнуцца.