СИЗ ҲАЙИТ АЙЁМИНИ ҚАНДАЙ ЎТКАЗАСИЗ?

Бугун ҳайит арафаси байрамга тайёргарлик кўриладиган кун! Бугун уйингизни байрамона безатишга, ҳаммада шодиёна кайфият уйғотишга ҳаракат қилинг! Турли тансиқ таомлар тайёрлаш, дастурхонни чиройли қилиш учун керакли масаллиқларни ҳозирланг.

Ота-онангизга, аҳлингизга ва айниқса болажонларга байрам совғаларини тайёрлаб қўйинг! Шундай қилингки, байрам таровати уларнинг хотирасида бир умрга муҳрланиб қолсин. Ҳар ким ўз шароитидан келиб чиқиб тайёргарлик қилаверади. Асосийси, хонадонингизда байрам шукуҳи сезилиб турсин, бугун ўзгача кун экани билинсин! Ахир Рамазонга етганимизнинг ўзи катта бир байрам бўлса, Рамазон рўзасини охиригача эсон-омонликда тутиб борганимиз, Аллоҳ таоло шунга муваффақ қилгани, Рамазонда Роббимизнинг чексиз фазли, марҳаматидан насибадор бўлганимиз қанчалар улуғ бахт, катта саодат эмасми?!

“Рамазон соғинчи” китобидан.