#sarhisob

2026 yil I-chorakda dizel ishlab chiqarish 54,5%ga oshdi

2026-yilning yanvar–mart oylarida mamlakatimizdagi neftni qayta ishlash zavodlari va Uzbekistan GTL da jami 249 ming tonna dizel yoqilg‘isi ishlab chiqarildi.

Bu o‘tgan yilning mos davriga nisbatan 87,8 ming tonnaga ko‘p, ya’ni 54,5 foiz o‘sish qayd etildi. O‘tgan yilning shu davrida 161,2 ming tonna dizel ishlab chiqarilgan edi.

Oylar kesimida ishlab chiqarish hajmi quyidagicha:

➖ yanvar — 78,3 ming tonna
(o‘tgan yilning yanvar oyiga nisbatan +135,8%);

➖ fevral — 57,4 ming tonna
(o‘tgan yilning fevral oyiga nisbatan +20,3%);

➖ mart — 113,3 ming tonna
(o‘tgan yilning mart oyiga nisbatan +41,1%).

Dizel yoqilg‘isi ishlab chiqarish hajmining ortishi neftni qayta ishlash quvvatlaridan samarali foydalanish hamda ichki yoqilg‘i bozorini barqaror ta’minlashga xizmat qilmoqda.

Kanalimizga aʼzo bo‘ling👇
@minenergy_uz

Vodiy viloyatlaridagi “metan zapravkalar” faoliyati bosqichma-bosqich tiklanmoqda va ertadan uzluksiz ishlay boshlaydi.

Eslatib o‘tamiz, boshqa hududlardagi “metan zapravkalar” uzluksiz faoliyat yuritmoqda.

Kanalimizga aʼzo bo‘ling👇
@minenergy_uz

Bugun, 17-mart kuni “metan zapravkalar” soat 10:00 dan faoliyat yuritadi

Farg‘ona vodiysida “metan zapravkalar”ning ish vaqti hokimliklar bilan kelishilgan holda, gaz bosimidan kelib chiqib amalga oshiriladi.

Kanalimizga aʼzo bo‘ling👇
@minenergy_uz

#rasmiy_xabar

Aholi iste’molchilari 16–31-mart kunlari yana qo‘shimcha 50 kub metr tabiiy gazga arzonlashtirilgan narxda to‘laydilar

Avval xabar berganimizdek, respublikamiz hududlarida mart oyi boshida havo haroratining keskin soviganligini inobatga olib, tabiiy gaz uchun isitish mavsumida belgilangan oylik bazaviy me’yor 15-martga qadar uzaytirilgan edi.

“O‘zgidromet” joriy yilning 16-20-mart kunlari respublikamiz hududlarida havo harorati kunduzi +22°С gacha, kechasi +10°С bo‘lishi e’lon qilindi.

Shu munosabat bilan, bugun, 16-martdan boshlab 1-noyabrga qadar har oy uchun 100 kub metrgacha (Qoraqalpog‘iston Respublikasi va Xorazm viloyatida 1-oktyabrgacha) “bazaviy meʼyor” amal qiladi.

Mart oyi uchun muhim eslatma: Bir oylik 500 kub metr bazaviy me’yor oyning birinchi yarmi uchun (1-15-mart kunlari) teng ulushlarda (proporsional) taqsimlanganda 250 kub metrni tashkil etadi. Bir oylik 100 kub metr bazaviy me’yor oyning ikkinchi yarmi uchun (16-31 mart kunlari) teng ulushlarda (proporsional) taqsimlanganda 50 kub metrni tashkil etadi va mana shu 50 kub metr gaz uchun ham aholi iste’molchilari bazaviy me’yor doirasida, ya’ni 1800 so‘mdan emas, 1000 so‘mdan to‘lov amalga oshiradilar.

Tabiiy gaz iste’molidagi barcha hisob-kitoblar bo‘yicha kelib tushayotgan murojaatlarga “Hududgazta’minot” AJ va uning hududiy filiallari tushuntirishlar beradi.

Eslatib o‘tamiz, Prezidentimizning qarorlariga asosan, ehtiyojmand oilalarga ishlatilgan elektr energiyasi va tabiiy gaz uchun davlat tomonidan har oyda kompensatsiya beriladi.

Jumladan, kompensatsiya miqdori:
Elektr energiyasi uchun — oyiga bazaviy me’yordan ortiq (200 kVt·soatdan keyingi) 150 kVt·soatgacha;
Tabiiy gaz uchun — qish oylarida 250 kub metrgacha, boshqa oylarda 150 kub metrgacha ba’zaviy me’yordan ortiq foydalanilgan qismi uchun kompensatsiya beriladi.

Ilgari kompensatsiyalar faqat qish oylarida amal qilgan bo‘lsa, endi — yil davomida har oyda berilmoqda.

Kanalimizga aʼzo bo‘ling👇
@minenergy_uz

Bugun “metan zapravkalar” ijtimoiy soha va jamoat transporti uchun faoliyat yuritadi

Magistral gaz quvurlarida bosimni rostlash va me’yoriy holatga keltirish ishlari davom etmoqda.

Gaz bosimining pastligi sababli, birinchi navbatda aholi xonadonlari hamda ijtimoiy soha obyektlarini tabiiy gaz bilan uzluksiz ta’minlash ustuvor vazifa hisoblanadi.

Shunga ko‘ra, bugun “metan zapravkalar” ijtimoiy soha obyektlariga xizmat ko‘rsatuvchi va jamoat transporti uchun faoliyat yuritadi.

Mazkur choralar aholi va ijtimoiy soha obyektlarini barqaror gaz ta’minoti bilan ta’minlashga qaratilgan.

Eslatib o‘tamiz, birja savdolariga chiqarilayotgan avtobenzin va suyultirilgan gaz (propan) hajmi oshirilgan bo‘lib, yetarli miqdоrda yetkazib berilmoqda.

Shu o‘rinda xususiy avtozapravkalar egalaridan narxlarni sunʼiy ravishda oshirmasliklarini, avtobenzinni sifat va miqdor jihatidan to‘g‘ri sotishlarini so‘raymiz. Vakolatli tashkilotlar tomonidan nazorat tadbirlari kuchaytirilib, narxlarning asossiz ravishda oshirib yuborilishiga yo‘l qo‘yilmaydi.

Kanalimizga aʼzo bo‘ling👇
@minenergy_uz

Havo harorati pasayishi sababli 10-mart kuni soat 16:00 dan boshlab “metan zapravkalar” faoliyatiga vaqtincha cheklov joriy etiladi

Respublikamiz hududlariga sovuq va nam havo massalarining kirib kelishi natijasida tabiiy gazga bo‘lgan talab ortdi. Shu sababli magistral gaz quvurlarida bosimning pasayishi kuzatilmoqda.

Bunday sharoitda, eng avvalo, aholi xonadonlari hamda ijtimoiy soha obyektlarini tabiiy gaz bilan uzluksiz ta’minlash ustuvor vazifa hisoblanadi.

Shu munosabat bilan, bugun, 10-mart kuni soat 16:00 dan boshlab Respublikamizdagi “metan zapravkalar” faoliyatiga vaqtincha cheklov joriy etiladi.

Mazkur chora-tadbirlar, avvalo, aholi va ijtimoiy soha obyektlarini barqaror gaz ta’minoti bilan ta’minlash maqsadida amalga oshirilmoqda.

Shu bilan birga, ijtimoiy soha obyektlariga xizmat ko‘rsatuvchi hamda jamoat transport vositalari uchun gaz ta’minoti cheklovlarsiz, barqaror tarzda davom ettiriladi.

Keltirilgan vaqtinchalik noqulayliklar uchun uzr so‘raymiz.

Kanalimizga aʼzo bo‘ling👇
@minenergy_uz

Bugun, 7-mart kuni “metan zapravkalar” soat 10:00 dan 16:00 ga qadar faoliyat yuritadi

Farg‘ona vodiysida “metan zapravka”larning ish vaqti hokimliklar bilan kelishilgan holda, gaz bosimidan kelib chiqib amalga oshiriladi.

Kanalimizga aʼzo bo‘ling👇
@minenergy_uz

#rasmiy_xabar

Tabiiy gaz uchun isitish mavsumida belgilangan bazaviy me’yor Respublikamizning barcha hududlarida 15-martga qadar uzaytirildi

Ob-havo prognozlarining yangilangan kutilmalariga ko‘ra, sovuq havo massasi mamlakatimizning boshqa hududlariga ham kirishi ehtimoli tufayli isitish mavsumi uchun belgilangan 500 kub metr bazaviy me’yor barcha hududlarda 2026-yilning 15-martiga qadar uzaytirildi.

15-martdan keyin esa ob-havo sharoitidan kelib chiqib, zarur bo‘lsa, qo‘shimcha choralar ko‘riladi.
________________
#официальное_сообщение

Базовая норма потребления природного газа на отопительный сезон продлена во всех регионах Республики до 15 марта

Согласно обновлённым прогнозам погоды, в связи с поступлением холодных воздушных масс в регионы страны, базовая норма потребления в объёме 500 кубических метров, установленная на отопительный сезон, продлена во всех регионах Республики до 15 марта 2026 года.

После 15 марта, при необходимости, дополнительные меры будут приниматься с учётом погодных условий.

Kanalimizga aʼzo bo‘ling👇
@minenergy_uz

#rasmiy_xabar

Qoraqalpog‘iston Respublikasi va Xorazm viloyatida tabiiy gaz uchun isitish mavsumida belgilangan bazaviy me’yor 15 martga qadar uzaytirildi

“O‘zgidromet” xabariga ko‘ra, Qoraqalpog‘iston Respublikasi va Xorazm viloyatida mart oyining dastlabki 15 kunida havo haroratining past bo‘lishi kutilayotgani sababli aholini qo‘llab-quvvatlash maqsadida, Prezidentimizning topshirig‘iga asosan, Vazirlar Mahkamasi tomonidan isitish mavsumi uchun belgilangan 500 kub metr bazaviy me’yor ushbu ikki hudud uchun 2026-yilning 15-martigacha uzaytirildi.

—————
#официальное_сообщение

Базовый норматив потребления природного газа на отопительный сезон в Республике Каракалпакстан и Хорезмской области продлён до 15 марта

По информации Узгидромет, в Республике Каракалпакстан и Хорезмской области в первые 15 дней марта ожидается понижение температуры воздуха. В целях поддержки населения, на основании поручения Президента, Кабинетом Министров Республики Узбекистан принято решение продлить установленный на отопительный сезон базовый норматив потребления природного газа в объёме 500 кубических метров до 15 марта 2026 года исключительно для Республики Каракалпакстан и Хорезмской области.

Kanalimizga aʼzo bo‘ling👇
@minenergy_uz