#МУРОЖААТ

Озодалик — хонадондан, ободлик — маҳалладан бошланади!

Биз — дунёда энг меҳрли, оқибатли ва танти халқ фарзандларимиз. Халқимизнинг “Кўпчилик барака келтиради” деган ҳикмати замирида улкан ҳақиқат мужассам. Тарихнинг ҳар қандай синовли даврларида ҳам ота-боболаримиз бир-бирига елкадош бўлиб, ҳашар йўли билан каналлар қазиган, уйлар қурган, йўллар солган, масжид ва мадрасалар тиклаган.

Бугунги тинч ва фаровон кунларимизда ҳам ҳашар — миллий ўзлигимизнинг ажралмас қисмига айланган. Тўй бўлса — ҳашар, байрам бўлса — ҳашар!

Вазирлар Маҳкамасининг тегишли фармойишига асосан, 2026 йил 13-14 март кунлари мамлакатимиз бўйлаб умумхалқ хайрия ҳашари ўтказилади.

Эътибор берган бўлсангиз, ҳашарга алоҳида ном берилди — “Юрт ободлиги, аввало, маҳалладан бошланади!”

Умумхалқ ҳашари муносабати билан Ўзбекистон маҳаллалари уюшмасининг халқимизга, “маҳалла еттилиги” аъзолари, маҳалла фаоллари ва кенг жамоатчилик вакилларига мурожаати йўлланди.

МУРОЖААТ

@mahalla_raislari