Madaniyat vazirligi Angliya Qirolligi bilan sun’iy intellekt va kreativ industriya yo‘nalishlarida qator muhim hamkorlik kelishuvlariga erishdi.

Madaniyat vaziri maslahatchisi hamda “Raqam San’at” ijodiy birlashmasi rahbari Rauf Nabiyev boshchiligidagi delegatsiyaning Angliya Qirolligiga amalga oshirgan xizmat safari davomida Oxford University, University of Cambridge, Victoria and Albert Museum (V&A) hamda taniqli rejissor va ssenariynavis Azena Mandis bilan samarali uchrashuvlar o‘tkazildi.

Muzokaralar davomida sun’iy intellektni madaniyat va san’at sohasiga joriy etish, kreativ kontent yaratish, qo‘shma loyihalarni amalga oshirish va xalqaro tajriba almashish masalalari muhokama qilindi.

Erishilgan kelishuvlar doirasida amalga oshiriladigan ijodiy va innovatsion loyihalar “Raqam San’at” ijodiy birlashmasi tomonidan ishlab chiqilib, bosqichma-bosqich hayotga tatbiq etiladi.