“Millat fidoyilari. Xotira va qadrlash” tanlovi g‘oliblari aniqlandi!

Maktabgacha va maktab ta’limi vazirligi hamda Oliy ta’lim, fan va innovatsiyalar vazirligi tomonidan “Kelajak soati” loyihasida 9-may – Xotira va qadrlash kuni munosabati bilan “Millat fidoyilari. Xotira va qadrlash” mavzusida dars ssenariylari tanlovi e’lon qilingan edi.

Tanlov respublika bo‘ylab katta qiziqish bilan qarshi olinib, unda pedagoglar, professor-o‘qituvchilar, talabalar, o‘quvchilar va ijodkorlar faol ishtirok etdi. Tanlovga jami 575 ta ssenariy taqdim etildi.

Tanlovga taqdim etilgan ishlar maxsus ekspertlar komissiyasi tomonidan belgilangan mezonlar asosida atroflicha ko‘rib chiqildi. Baholash jarayonida mavzuning to‘liq yoritilishi, metodik yondashuv, kreativlik, interaktivlik hamda kontent sinopsislarining mavjudligiga alohida e’tibor qaratildi.
Barcha yo‘nalishlar kesimida eng munosib ishlar saralab olinib, g‘oliblar aniqlandi.

🎉 G‘oliblar va ularga beriladigan sovg‘alar bilan tanishing:

Maktabgacha ta’lim yo‘nalishi:
🥇 Dilshoda Xolmatova (Toshkent viloyati) – Smart televizor
Maktab ta’limi (1–4 sinf):
🥇 Guljahon Egamqulova (Jizzax viloyati ) – Smart televizor
Maktab ta’limi (5–8 sinf):
🥇 Nigora Jumaniyazova (Qoraqalpog‘iston Respublikasi) – Noutbuk
Maktab ta’limi (9–11 sinf):
🥇 Mahbuba Nusratova (Qashqadaryo viloyati) – Noutbuk
Oliy ta’lim yo‘nalishi:
🥇 Nurillo Tuxtasinov (Toshkent shahri) – Noutbuk

❗️“Eng yaxshi ssenariylar jamlanmasi” nominatsiyasi bo‘yicha yuborilgan ishlar belgilangan talablarga to‘la javob bermaganligi sababli ushbu yo’nalishda g‘olib aniqlanmadi.

Tashkilotchilar qaroriga ko‘ra, tanlovda faol ishtirok etgan bir qator ishtirokchilar qo‘shimcha rag‘batlantirishga tavsiya etildi. Quyidagi ishtirokchilar vazirlik tashakkurnomasi, Kelajak soati logotipi tushurilgan maxsus merchlar va kitoblar jamlanmasi bilan taqdirlanadi:

Maktabgacha ta’lim (MTT):
– Mohina Xoʻjamova (Surxondaryo viloyati)
– Zamira Abdufattoyeva (Fargʻona viloyati)
– Yoqutxon Odilova (Farg‘ona viloyati)
– Oydinoy Madaminova (Andijon viloyati)
1–4-sinflar:
– Farangiz Ubaydullayeva (Toshkent shahri)
– Bibixonim Nabijonova (Sirdaryo viloyati)
5–8-sinflar:
– Mahliyo Mahmudova (Toshkent shahri )
– Ma’mura To‘rayeva (Toshkent shahri )
9–11-sinflar:
– Shahnoza Farmonova (Navoiy viloyati)
Sinfi ko‘rsatilmagan:
– Sardor Jaloliddinov (Andijon viloyati)
– Evelina Alisherovna
 
Shuningdek, ayrim ssenariylar qayta ishlash va takomillashtirish sharti bilan metodik material sifatida foydalanish uchun tavsiya qilindi.

Tanlovda ishtirok etgan barcha ijodkorlarga samimiy minnatdorlik bildiramiz va g‘oliblarni chin dildan tabriklaymiz!

“Kelajak soati” loyihasida faol ishtirok etishda davom eting – oldinda sizni yanada qiziqarli tanlov va loyihalar kutmoqda!

Bizni kuzatib boring:
Instagram* | Telegram | Youtube | Facebook*