Paxtakor tumanida bahorgi dala ishlari uyushqoqlik bilan olib borilmoqda. Ayni kunlarda tuman hududlarida chigit ekish ishlari jadal sur’atlarda davom etmoqda.

Xususan, “Azim-Bunyodbek” fermer xo‘jaligida xo‘jalik raisi Mingjitov Islombek boshchiligida 44 gektar maydonga zamonaviy “shinjon” usulida chigitni qo‘shqator qilib ekish ishlari amalga oshirilmoqda.

Mutaxassislar ta’kidlashicha, mazkur usul chigitning tez va bir meyorda unib chiqishi, suv tejamkorligi hamda hosildorlikni oshirishda muhim ahamiyatga ega.

Fermer xo‘jaligida texnikalar mavsumga to‘liq shay qilingan bo‘lib, mexanizatorlar agrotexnik talablarga qat’iy rioya etgan holda mehnat qilmoqda.