Paxtakor tumanida 2026-yilgi paxta mavsumi doirasida 10 600 gektar maydonda chigit qo‘shqator usulida, shuningdek 2 553 gektar maydonda “shinjon” texnologiyasi qo‘llanilmoqda.

Tuman hokimi Xusan Abduvoxidov, O‘zbekiston qahramoni Anorboy Eshmatov va hokim o‘rinbosari Marat Kubayev “Anvar-A” fermer xo‘jaligida chigit ekish jarayoni bilan tanishdi. Mutasaddilar agrotexnik tadbirlarning sifatli bajarilishi va zamonaviy texnologiyalardan samarali foydalanish bo‘yicha tavsiyalar berdi.

Amalga oshirilayotgan ishlar nafaqat sifatli paxta hosilini, balki tumanning qishloq xo‘jaligi salohiyatini oshirishga xizmat qiladi. Fermerlar va mexanizatorlar faol mehnat bilan mamlakat iqtisodiyotiga muhim hissa qo‘shmoqda.