Иккинчи чоракда туғилишларнинг қисқариши тезлашган Жорий йилнинг биринчи ярим йиллигида 373,4 минг туғилиш қайд этилган бўлиб, туғилишлар ўтган йилнинг мос даврига нисбатан 7,9 фоизга қисқарган. Лекин ярим йиллик кўрсаткич,  иккинчи чоракдаги қисқаришни  бироз яширади. Чунки биринчи чоракда туғилишларнинг қисқариши 3,5 фоиз эди. иккинчи чоракнинг (апрель-июнь) ўзида эса 182,3 минг туғилиш қайд этилиб, ўтган йилнинг мос чораги билан таққослаганда 12,1 фоизга қисқарган. Таъкидлаш керакки, мазкур қисқариш туғилишлар қисқаришни бошлагандан буён энг йирик чораклик пасайиш ҳисобланади. Туманлар кесимида ҳам иккинчи чорак ўзи хос бўлган. Хусусан, иккинчи чоракда 198 та туман/шаҳарларда туғилишлар қисқарган бўлиб фақатгина 8 та туманда ўсиш қайд этилган. Таққослаш учун 2025 йилнинг мос чорагида 76 та туман/шаҳарларда ўсиш қайд этилган эди. Яъни туғилишлар қисқараётган туманлар қамрови сезиларли ошган.  Шунингдек, туғилишларнинг қисқариши кетма-кет 11 та чоракдан буён давом этмоқда. @Mirkonomika