So‘rovnomaning asosiy maqsadi — oliy ta’lim tashkilotlari va texnikumlar bitiruvchilarining bilim, amaliy ko‘nikma va kompetensiyalarini ish beruvchilar fikri asosida baholash hamda ularning tayyorgarligi zamonaviy mehnat bozori talablariga qay darajada mos kelayotganini aniqlash.

O‘rganish doirasida bitiruvchilarning:
🔹 kasbiy bilim va amaliy ko‘nikmalari;
🔹 nazariy bilimlarni real ish vazifalarini hal etishda qo‘llay olishi;
🔹 kasbiy ma’lumotlar bilan ishlashi;
🔹 hamkasblar, rahbarlar va mijozlar bilan muloqot va hamkorlik qilishi;
🔹 kasbiy faoliyatga tayyorgarlik darajasi hamda egallab turgan lavozimi talablariga muvofiqligi kabi jihatlar baholanishi nazarda tutilgan.

Shuningdek, ish beruvchilarning kadrlar tayyorlash tizimini takomillashtirish bo‘yicha takliflari hamda mehnat bozorining yaqin 3–5 yildagi ehtiyojlari o‘rganiladi.

So‘rovnoma natijalari oliy ta’lim tashkilotlari va texnikumlarning Milliy reytingida muhim indikatorlardan biri sifatida xizmat qiladi.