«Хавфсиз ва соғлом юрт» кенг қамровли тезкор-профилактик тадбири доирасида «Сирдарё-Сўх ирригация тизимлари ҳавза бошқармаси»да жиноят ишлари бўйича Фарғона шаҳар суди, шаҳар прокуратураси ҳамда Ички ишлар бошқармаси Жамоат хавфсизлиги хизмати Пробация бўлими ҳамкорлигида сайёр суд ўтказилди.

Тадбирда Фарғона шаҳар Пробация бўлими ҳисобида турувчи 45 нафар назоратдаги шахс иштирок этди. Суд жараёнида жазони ўташ тартиб-қоидаларига амал қилиб келаётган 7 нафар шахс Ўзбекистон Республикаси Жиноят кодексининг 73-моддасига асосан жазодан муддатидан илгари шартли равишда озод қилинди.

Жазони ўташдан бўйин товлаб, белгиланган тартиб-қоидаларга риоя қилмаган 3 нафар шахснинг жазоси эса қонунчиликда белгиланган тартибда оғирроқ жазога алмаштирилди. Шундан 2 нафарига озодликдан маҳрум қилиш жазоси тайинланди.