Mee Tilmaamaa !
Shaampiyoons Liigii Awurooppaa – Maanchiistar Siitiin Riyaal Maadriidii waliin, Cheelsiin ammoo PSG waliin taphoonni taphatan ni eeggama
*********************************
Shaampiyoons Liigii Awurooppaatiin taphoonni deebii afur har'a galgala taphataman haalaan eeggamu.

Maanchiistar Siitiin Riyaal Maadriidii waliin har’a galgala sa'aatii 5:00 irratti Istaadiyeemii Iitihaaditti ni taphatu.

Gareen lamaan tapha torbee dura Istaadiyeemii Barnaabaawutti taphatame irratti Maadriid 3 fi 0n injifachuun isaa ni yaadatama.
Siitiin tapha marsaa itti aanutti darbuuf goolii sadii oliin injifachuun irraa eeggama.

Tapha biraatiin, Cheelsiin PSG waliin har’a galgala sa'aatii 5:00 irratti Istaamfoord Biriijitti ni taphatu.

Gareen lamaan tapha jalqabaa kanaan dura De Piriinsitti taphataniin, ‘PSG’n 5 fi 2n injifachuun isaa ni yaadatama.

Arsenaalii fi Baayer Leverkusan ammoo Istaadiyeemii Emireetisitti galgala sa'aatii 5:00 irratti ni taphatu.

Tapha duraa irratti 1 fi 1 wal qixa bahuun isaanii ni yaadatama.

Tapha har’aa kanaan gareen injifatu gara marsaa itti aanutti darbuuf carraa bal'aa qaba.

Ispoortiing Liisbanii fi Boodoo Giliimt waliin galgala sa'aatii 2:45 irratti wal argu.

Boodoo Giliimt tapha jalqabaa 3 fi 0n waan injifateef carraa guddaa qaba.