ህወሓት የጄነራል ታደሠ ወረደ ሥልጣን ለተጨማሪ አንድ ዓመት መራዘሙን እንደማይቀበል አስታወቀ

የትግራይ ጊዜያዊ አስተዳደርን ለአንድ ዓመት የመሩት ሌ/ጄነራል ታደሠ ወረደ፤ የሥልጣን ጊዜያቸው ለተጨማሪ አንድ ዓመት እንዲራዘም መደረጉ “የፕሪቶሪያውን ስምምነት የጣሰና እውቅና የሌለው ነው” ሲል ህወሓት ውሳኔውን ውድቅ አድርጎታል።

ጀነራል ታደሠ ከትላንት በስቲያ ለጠቅላይ ሚኒስትር ዐቢይ አሕመድ ዓመታዊ የአፈፃፀም ሪፖርት ማቅረባቸው ይታወሳል። መጋቢት 30/2018 ዓ.ም. የሥልጣን ጊዜያቸው የሚጠናቀቀው የትግራይ ክልል ጊዜያዊ አስተዳደር ፕሬዝዳንት ለተጨማሪ አንድ ዓመት ክልሉን እንዲመሩ በፌደራል መንግሥቱ ተወስኗል።

ሆኖም ይህ ውሳኔ በፕሪቶሪያው ስምምነት መሠረት፤ በህወሓት እና በፌደራል መንግሥት መካከል መደረግ እንደነበረበት ድርጅቱ ባወጣው መግለጫ ገልጿል። ህዝባዊ ወያነ ሓርነት ትግራይ (ህወሓት) የጄነራሉ የሥልጣን ጊዜ የተራዘመው “በተናጠል ውሳኔ” መሆኑን በመጠቆም እንደማይቀበለው አሳውቋል።

#Ethiopia #Tigray #TPLF #TadesseWorede #AbiyAhmed #EthiopianNews #AmharicNews #EthioTube #Africa