የኢትዮጵያ መንግሥት ዋዜማ ሬድዮ የተሰኘውን የበይነመረብ ሚዲያ አገደ

የኢትዮጵያ መገናኛ ብዙኀን ባለሥልጣን ዋዜማ ራዲዮ የተሰኘውን የበይነ መረብ ሚዲያ "የሥራ ፍቃዱን" እና "ዕውቅናውን" እንደወሰደ ገልጿል።

ሚዲያው የሀገሪቱን "ሕገ-መንግሥት" እና "የመገናኛ ብዙኃን አዋጅ" እንዲሁም "መመሪያዎች" እና "የሙያ ስነምግባር" አክብሮ ለመሥራት ፈቃደኛ ባለመሆኑ ይህ እርምጃ እንደተወሰደበት ታውቋል።

ባለሥልጣኑ የሚዲያው ዘገባዎች የአገሪቱን "ብሔራዊ ጥቅም የሚጻረሩ"፣ "ሚዛናዊነት የሚጎድላቸው"፣ "የፌዴራልና የክልል መንግሥታት አስተያየትና ምላሽ" ያልተካተተባቸው ናቸው ሲል ወንጅሏል።

አክሎም፤ ሚዲያው ላይ በተደረገ ክትትል፣ ከዜጎች በተሰጡ አስተያየቶች እና ጥቆማዎች

"ሁከት ቀስቃሽ" እና "የአንድ ወገን" ዘገባዎችን ሲያሰራጭ እንደነበር አረጋግጫለሁ ብሏል። ለሚዲያው "ተደጋጋሚ የእርምት ግብረ መልስ" ስሠጥ ቆይቻለሁ ያለው ባለሥልጣኑ፣ ሆኖም መገናኛ ብዙኃኑ የተሠጠውን "አስተያያት" እና "የማስተከከያ እርምጃ" ባለመቀበሉ ፍቃዱን እንደወሰደ አመላክቷል።

ባለሥልጣኑ፣ ለዋዜማ ሬዲዮ ከሁለት ወር በፊት "የመጨረሻ ማስጠንቀቂያ" ሠጥቶ እንደነበርም ጠቅሷል።

#Ethiopia #EthiopianMedia #EthiopianPress #WazemaRadio #EthiopianNews #AmharicNews #EthioTube #Africa