በከተራ በዓል ወቅት አራት አገልጋይ ወጣቶች በኤሌክትሪክ አደጋ ሕይወታቸው ማለፉ ተሰማ

በሸገር ከተማ ሀገረ ስብከት በኮዬፈጬ ክፍለ ከተማ ዛሬ በተከበረው የከተራ በዓል፤ በፋንታ መድኃኔዓለም ደብር አገልጋይ የሆኑት አራት ወጣቶች በኤሌክትሪክ አደጋ ምክንያት ሕይወታቸው ማለፉን ቤተክርስቲያኗ ገልፃለች።

የአገልጋዮቹ ሕይወት ያለፈው ታቦቱን ለማጀብ የተጠቀሙት ሰረገላ ከመብራት ማስተላለፊያ ገመድ ጋር ተያይዞ መሆኑ ተሰምቷል። የመንበረ ፓትርያሪኩ ጠቅላይ ጽሕፈት ቤት ዋና ሥራ አስኪያጅና የደቡብ ምዕራብ ሸዋ ከተማ አኀጉረ ስብከት ሊቀ ጳጳስ አባ ሳዊሮስ ይህን አሳዛኝ ክስተት አስመልክቶ መልዕክት አስተላልፈዋል።

በአደጋው የተሰማቸውን ጥልቅ ሐዘን ገልጸው፤ “ልዑል እግዚአብሔር ለወዳጅ ዘመዶቻቸው መጽናናትን እንዲሰጥልንና ነፍሳቸውንም ከአብርሃ ፣ከይስሐቅና ከያዕቆብ ጎን እንዲያኖርልን የዘወትር ጸሎታችን መሆኑን እንገልጻለን” ብለዋል።

#Ethiopia #AddisAbaba #Ketera #Timket #EthiopianNews #AmharicNews #EthioTube #Africa