Ovoz berish byulleteni – konstitutsiyaviy ahamiyatga ega, saylovchining ovozini tasdiqlovchi hujjat hisoblanadi. Saylov byulleteni saylovchining xohish-istagini ifodalash vositasidir. Qonunchilik palatasi deputatlari sayloviga doir saylov byulletenining shakli va matni Markaziy saylov komissiyasi tomonidan tasdiqlanadi. Xalq deputatlari viloyat, Toshkent shahar Kengashi sayloviga doir saylov byulletenining shakli va matni Markaziy saylov komissiyasi tomonidan tasdiqlangan namunaga muvofiq hududiy saylov komissiyasi tomonidan tasdiqlanadi. Xalq deputatlari tuman, shahar Kengashi sayloviga doir saylov byulletenining shakli va matni Markaziy saylov komissiyasi tomonidan tasdiqlangan namunaga muvofiq tegishli tuman, shahar saylov komissiyasi tomonidan tasdiqlanadi.