Сайловчиларнинг ягона электрон рўйхати сайловнинг тенглик принципини таъминлашга хизмат қиладиган воситадир. Яъни, Ўзбекистон Республикасининг Конституциясида белгиланган “ҳар бир сайловчи бир овозга эга” тамойилини рўёбга чиқаришга хизмат қилади. Сайловчиларнинг ягона электрон рўйхати орқали фуқароларнинг фақат бир маротаба овоз беришини назоратга олиш имконияти мавжуд бўлади.

Марказий сайлов комиссияси сайловчиларнинг ягона электрон рўйхатидан фойдаланиш фаолияти бўйича умумий раҳбарлик ва мувофиқлаштириш ишларини амалга оширади. Рўйхат яхлит электрон тарзда бўлиб, у сайловчиларнинг ягона электрон рўйхати деб номланади.