#so‘ragan_edingiz

❓SAVOL:Yangi tasdiqlangan nizomga ko‘ra, bakalavriat ta’limi kamida 3-yil etib belgilangani hamda sirtqi ta’lim shakli nazarda tutilgani barcha yo‘nalishlarda o‘qish muddati 3-yilga qisqartiriladi va sirtqi ta’lim qayta joriy etiladi, deganini anglatadimi?

✅ JAVOB: Mazkur nizomda bakalavriat ta’limining kamida 3-yil etib belgilanishi — yangi tartib emas, balki amalda mavjud bo‘lgan normaning huquqiy jihatdan mustahkamlanishidir. Bu talab avval ham qonunchilikda nazarda tutilgan bo‘lib, bakalavriat bosqichi uchun eng minimal muddatni belgilaydi. Ayrim ta’lim yo‘nalishlarida, jumladan jismoniy madaniyat, texnologiya va musiqa ta’limi kabi sohalarda bu amaliyot allaqachon qo‘llanib kelinmoqda. Shu bois, ushbu norma barcha yo‘nalishlarda o‘qish muddati 3-yilga qisqartiriladi, degani emas.

Sirtqi ta’lim masalasiga kelsak, hozirgi kunda mazkur shakl bo‘yicha tahsil olayotgan talabalar mavjud. Shu sababli, uni normativ hujjatda aks ettirish zarur hisoblanadi. Biroq bu holat sirtqi ta’lim shakli yangidan ochiladi yoki kengaytiriladi, degan ma’noni anglatmaydi.

�� На русском
�� In English

Bizni kuzating

Facebook* | Instagram* | YouTube | Telegram