#talabalar_yutugʻi

Fransiyada o‘tgan “Act In Space – 2026” xalqaro xakatonida o‘zbekistonlik talabalar 2-o‘rinni qo‘lga kiritdi

Uzcosmos agentligi tomonidan tashkil etilgan milliy bosqichda g‘olib bo‘lgan Toshkent shahridagi Turin politexnika universiteti talabalaridan iborat NazarX jamoasi Fransiyaning Bordo shahrida o‘tkazilgan xalqaro final bosqichida mamlakatimiz sharafini munosib himoya qildi.

Mazkur nufuzli xakatonda dunyoning 23 davlatidan jami 391 ta jamoa ishtirok etdi. Musobaqaning dastlabki bosqichida jamoalar guruhlarga bo‘lingan holda o‘z loyihalarini hakamlar hay’atiga taqdim etdilar. O‘zbekiston jamoasi o‘z guruhida Tayvan, Fransiya, Qozog‘iston va Marokash vakillari bilan bellashib, yuqori natijalar qayd etdi hamda guruh g‘olibi sifatida yarim finaldan muvaffaqiyatli o‘tdi.

Yarim final natijalariga ko‘ra, NazarX jamoasi o‘z guruhida yetakchilikni qo‘lga kiritib, Grand final bosqichiga yo‘l oldi. Finalda eng kuchli 5 ta jamoa ishtirok etib, yakuniy natijalarga ko‘ra O‘zbekiston jamoasi faxrli 2-o‘rinni egalladi.

Jamoa tomonidan ishlab chiqilgan modulli sun’iy yo‘ldosh loyihasi xalqaro ekspertlar tomonidan yuqori baholanib, mamlakatimiz yoshlarining kosmik texnologiyalar, muhandislik va innovatsiyalar sohasidagi salohiyatini yaqqol nam

oyon etdi.

Ushbu natija bilan jamoa a’zolarini samimiy tabriklab, kelgusidagi faoliyatlarida yanada ulkan muvaffaqiyatlar tilaymiz.

�� На русском
�� In English

Bizni kuzating

Facebook* | Instagram* | YouTube | Telegram

Startap jamoangizni biz bilan yig‘in

g!

Endilikda startapingiz uchun munosib jamoa a’zolarini @startupperuzbot orqali topishingiz mumkin.

Bot sizga quyidagi imkoniyatlarni taqdim etadi:

Loyihangiz uchun kerakli kadrlarni qidirish va hamkorlikni yo‘lga qo‘yish;
Vakansiyalar va hamkorlik takliflarini joylashtirish;
Startap ekotizimiga oid eksklyuziv materiallar va qo‘llanmalardan foydalanish;
O‘z faoliyatingiz va startapingiz haqidagi ma’lumotlarni tizimli yuritish.

Fursatni boy bermang, botdan hoziroq foydalanib ko‘ring va jamoangizni shakllantirishni boshlang!

�� @startupperuzbot

Bizni kuzating

Facebook* | Instagram* | YouTube

| Telegram

“Mahalla – maktab – sport muassasasi – federatsiya” zanjiri asosida aholini sportga jalb qilish va seleksiya bo‘yicha yangicha yondashuv joriy qilinadi.

Oliygoh rektori, federatsiya rahbarlari va hokimlar o‘rtasida uch tomonlama shartnoma tuziladi. Bunda hokimlar hududidagi maktab, texnikum va boshqa sport obyektlarida darsdan tashqari vaqtda sport to‘garaklari tashkil qilish uchun sharoit yaratadi.

Mutasaddilarga 9 mingta mahallani 26 ta federatsiya rahbarlariga bog‘lab, maktablardagi to‘garaklarni zarur sport anjomlari bilan jihozlash topshirildi.

Sport yo‘nalishidagi oliygohlarning 2- va 3-kurs talabalarining yarmini, 4-kursdagilarning esa barchasini dual ta’lim bilan qamrab olib, murabbiylik qilish uchun to‘garaklarga yuborish muhim ekani qayd etildi. Bunday talabalarga avtomatik ravishda murabbiylik sertifikati beriladi.

Talabalar haftada uch kun oliygohda o‘qisa, qolgan kunlarda o‘zi biriktirilgan maktablardagi to‘garakka borib, yoshlarni shug‘ullantiradi. Sport to‘garaklaridagi tushumning 50 foizi murabbiy talabaning o‘ziga beriladi.

Shuningdek, dual ta’lim bitiruvchilariga diplom bilan birga hakamlik sertifikatini berish ham yo‘lga qo‘yiladi.

Bizni kuzating

Facebook* | Instagram* | YouTube | Telegram

Har bir vazir, tarmoq va bank rahbari, viloyat, tuman hokimi xodimlari sport bilan shug‘ullanishi uchun o‘zi namuna bo‘lib, sharoitlarni kengaytirishi shartligi ko‘rsatib o‘tildi.

Mazkur jarayonda haftada bir kun sport kuni sifatida belgilanishi, bu kunda vazirlik, idora va tashkilotlarda sport mashg‘ulotlari o‘tkazilishi belgilandi. Agar sport zali bo‘lmasa, sport bazalari yoki federatsiyalar bilan shartnoma tuzish, kamida 4 ta sport turi bo‘yicha yiliga 2 marta musobaqa tashkil qilib, g‘oliblarni taqdirlash topshirildi.

Joriy yildan boshlab har yili vazirliklar, tarmoqlar, banklar va hokimliklar o‘rtasida respublika birinchiliklari o‘tkazilishi belgilandi.

Xususiy sektordagi mehnat jamoalarida ham ommaviy sportni rivojlantirish bo‘yicha qo‘shimcha imkoniyatlar yaratiladi.

Tadbirkorlar o‘z ishchi-xodimlari uchun sport zali, maydonchasi qurish va jihozlash uchun qilgan xarajatlari foyda solig‘i bazasidan chegiriladi, jalb qilingan trenerlar uchun daromad solig‘i va ijtimoiy soliq 1 foiz bo‘ladi.

Bizni kuzating

Facebook* | Instagram* | YouTube | Telegram

Sportchilarni jarohatdan tiklash ishlari va mushak holati bo‘yicha tekshiruvlar asosan xorijda o‘tkazilyapti. Federatsiyalar sport shifokori, farmakolog va dietologlarni yuqori maosh to‘lab, chetdan olib kelishga majbur bo‘lmoqda.

Sportchilardagi suyak sinishi, pay uzilishi kabi jarohatlar bo‘yicha zamonaviy protokollar o‘zimizda joriy etilmayotgani, Travmatologiya, Kardiologiya, Terapiya markazlari federatsiyalar bilan hamkorlik qilmasligi bo‘yicha e’tiroz bildirildi.

Endilikda har bir ixtisoslashgan tibbiyot markazlari sport federatsiyalari bilan hamkorlik qiladi. Har oyda terma jamoa a’zolarining sog‘lig‘ini diagnostika qiladi, jarohat olish xavfini baholaydi. Sportchining jismoniy yuklamasini ilmiy tahlil qilib, murabbiylarga tibbiy tavsiyalar beradi.

Yangi o‘quv yilidan Toshkent tibbiyot universitetida sport dietologi, fiziologiya, psixologiya bo‘yicha, Farmatsevtika institutida sog‘lom ovqatlanish bo‘yicha mutaxassis tayyorlash boshlanadi. Olimpiya shaharchasidagi Sport tibbiyoti ilmiy markazi talabalar uchun amaliyot bazasiga aylanadi.

Shuningdek, mutasaddilarga sport mahsulotlarini mahalliylashtirish dasturini o‘z ichiga olgan qaror loyihasini kiritish topshirildi.

Bizni kuzating

Facebook* | Instagram* | YouTube | Telegram

Ayni damda Prezident Shavkat Mirziyoyev raisligida jismoniy tarbiya va sport sohasidagi kelgusidagi ustuvor vazifalarga bag‘ishlangan videoselektor yig‘ilishi bo‘lib o‘tmoqda.

Oliy ta’lim muassasalarida sport yo‘nalishidagi ishlar yetarli darajada emasligi, federatsiyalar bilan hamkorlik, iqtidorli talabaga individual murabbiy biriktirish sustligi qayd etildi.

Ayrim oliygohlarda sport sohasi bo‘yicha yaxshi tajribalar bor. Masalan, Termiz davlat universiteti 4 ta klub tashkil qilib, 5 ming talabani 18 ta sport turiga qamrab oldi. Talabalar o‘tgan yili xalqaro musobaqalarda 18 ta medal oldi. Oliygohning voleybol va gandbol jamoalari oliy ligada, futzal va futbol jamoalari esa 1-ligada qatnashyapti.

Lekin Jizzax politexnika, Toshkent tibbiyot universiteti Termiz filiali, Qarshi davlat texnika universiteti, Buxoro davlat universitetlarida 70 foiz talaba jismoniy normativ topshira olmagan. Bu ulardagi klublar “nomiga” ishlayotganini anglatadi.

Shu munosabat 207 ta oliygoh rektorlariga Termiz davlat universitetining tajribasini o‘rgatish va sport bo‘yicha bir yillik reja ishlab chiqish topshirildi.

Bizni kuzating

Facebook* | Instagram* | YouTube | Telegram

TATU – Samarqand baynalmilal forumi bo'lib o‘tdi

Samarqand shahrida Muhammad al-Xorazmiy nomidagi Toshkent axborot texnologiyalari universiteti talaba-yoshlari hamda 20 dan ziyod davlatlardan tashrif buyurgan xorijiy talabalar ishtirokida “Ilm, sport va tadbirkorlik — qudrat manbai, yoshlar — yorqin kelajak!” shiori ostida TATU – Samarqand baynalmilal forumi yuqori saviyada tashkil etildi.

Forum doirasida talabalarning innovatsion startap ishlanmalari ko‘rgazmasi, sport va intellektual musobaqalar, “Rektor va yoshlar uchrashuvi”, madaniy tadbirlar hamda Samarqandning tarixiy maskanlariga ekskursiyalar tashkil etildi.
Mazkur forum yoshlar o‘rtasida do‘stlik aloqalarini mustahkamlash, xalqaro hamkorlikni kengaytirish hamda ilm-fan, sport va innovatsiyalar yo‘nalishida yangi tashabbuslarni qo‘llab-quvvatlashga xizmat qildi.

Batafsil
�� На русском
�� In English

Bizni kuzating

Facebook* | Instagram* | YouTube | Telegram

#eʼlon_seminar

Oliy ta’lim tashkilotlari huzurida jamoatchilik kengashi faoliyatiga bag‘ishlangan seminar

2026-yil 8-aprel kuni soat 16:00 da Oliy taʼlim, fan innovatsiyalar vazirligida “Oliy taʼlim tashkilotlari huzurida jamoatchilik kengashi faoliyatini samarali yoʻlga qoʻyish” mavzusida amaliy seminar tashkil etiladi.

Tadbirda vazirlik rahbariyati, vazirlik huzuridagi Jamoatchilik kengashi aʼzolari, soha mutaxassislari, oliy taʼlim tashkilotlarida yoʻnalishga masʼul boʻlgan xodimlar ishtirok etadi.

Seminar davomida bugungi kunda oliygohlar huzurida jamoatchilik nazoratini kuchaytirish, kengashlar faoliyatini ochiq va samarali tashkil etish borasida mutaxassislar tomonidan muhim maʼlumotlar beriladi. Shuningdek, ishtirokchilar oʻrtasida mavzu yuzasidan oʻzaro tajriba va fikr almashinuvlari boʻlib oʻtadi.

�� На русском
�� In English

Bizni kuzating

Facebook* | Instagram* | YouTube | Telegram

AQSHning ETS tashkiloti tomonidan 2026-yil 5-aprel kuni “TOEFL Experience Day” tadbiri tashkil etildi.

Cambridge University Press & Assessment bilan hamkorlikda Ilmiy-o‘quv amaliy markazi tomonidan TKT (Teaching Knowledge Test) imtihonlari tashkil etilmoqda.

Bizni kuzating

Facebook* | Instagram* | YouTube | Telegram

#Qonunchilik_yangiliklari

Endi tajriba-sinov ishlari uchun ketadigan xarajatlarning bir qismi qoplab beriladi

2026-yil 1-maydan boshlab olimlar va tadbirkorlik subyektlari tomonidan davlat ilmiy dasturlari doirasida yaratilgan ishlanmalar bo‘yicha tajriba-sinov ishlari uchun ketadigan xarajatlarning bir qismi Ilm-fanni moliyalashtirish va innovatsiyalarni qo‘llab-quvvatlash jamg‘armasining mablag‘lari hisobidan qoplab berish yo‘lga qo‘yiladi. Bunda:

tajriba-sinov ishlari ilmiy ishlanmalarni tijoratlashtirishga tayyorlash loyihalari doirasida amalga oshiriladi;

ilmiy ishlanmalarni tijoratlashtirishga tayyorlash loyihalari Innovatsion rivojlanish agentligi tomonidan o‘tkaziladigan tanlovlar asosida moliyalashtiriladi.

Bundan tashqari, xorijiy tillar bo‘yicha kamida C1 darajadagi milliy yoki unga tenglashtirilgan mos darajadagi xalqaro tan olingan sertifikatga ega yoshlarga olis va borish qiyin bo‘lgan hududlarda chet tillariga ixtisoslashgan o‘quv markazlarini ochish uchun olti oylik imtiyozli davr bilan uch yil muddatga bazaviy hisoblash miqdorining 320 baravarigacha miqdorda foizsiz ssuda berish tartibi 30 yoshdan oshgan shaxslarga ham tatbiq etiladi.

Bizni kuzating

Facebook* | Instagram* | YouTube | Telegram

#Qonunchilik_yangiliklari

“spin-off” korxonalariga bir qator imtiyoz va preferensiyalar beriladi

Hujjatga muvofiq Oliy ta’lim, fan va innovatsiyalar vazirligi Yangi ishlanmalarga asoslangan “spin-off” korxonalari reyestrini yuritadi. Bunda:

patent natijasida yaratilgan ilmiy ishlanmalar asosida tovar ishlab chiqarishni (xizmat ko‘rsatishni) yo‘lga qo‘ygan korxonalar hamda ularning xodimlariga Prezident Farmonida ko‘zda tutilgan imtiyoz va preferensiyalar beriladi;

patentsiz yaratilgan ilmiy ishlanmalar asosida tovar ishlab chiqarishni yo‘lga qo‘ygan korxonalar 2026-yil 1-maydan 2029-yil 1-maygacha bo‘lgan davr uchun foyda solig‘ini 50 foiz pasaytirilgan stavkada to‘laydi;

korxonalarning yangi ishlanmaga muvofiq ishlab chiqarilgan hamda Reyestrda qayd etilgan tovar yoki xizmatlarini sotib olish bo‘yicha savdo xaridlari Ishlab chiqaruvchilar ekotizimi portali orqali amalga oshiriladi;

korxonalar tomonidan amalga oshiriladigan ilmiy izlanish, innovatsion, tijoratlashtirish loyihalari va to‘g‘ridan to‘g‘ri jalb qilinadigan investitsiyalari ushbu korxonani tashkil etgan muassislarning asosiy samaradorlik ko‘rsatkichlari sifatida tan olinadi.

Bizni kuzating

Facebook* | Instagram* | YouTube | Telegram

#Qonunchilik_yangiliklari

“spin-off” korxonalarida professor-o‘qituvchilar, talaba va izlanuvchilar ham faoliyat yuritadi

Korxonalar faoliyat davrida:

korxonalarda muassisning professor-o‘qituvchilari (ilmiy xodimlari) yoki talaba, izlanuvchilari ham faoliyat ko‘rsatishi talab etiladi;

korxonaga investorlar tomonidan investitsiya kiritishga oid kelishuvlar bo‘yicha vakolatli davlat organining xulosasi talab etilmaydi;

korxonalarning sof foydasini davlat ulushi bo‘yicha dividendga yo‘naltirmasdan, vakolatli organlar ruxsatisiz korxonaning ustav fondidagi davlat ulushini oshirish orqali reinvestitsiya qilishga ruxsat etiladi;

korxonalar istiqbolsiz, faoliyat ko‘rsatmayotgan, zarar ko‘rib ishlayotgan va past rentabelli korxonalar sifatida tugatilmaydi;

investitsiya davri yakunida korxonalardagi davlat ulushi bozor qiymatida korxonalarning boshqa ishtirokchilariga sotib olish uchun taklif etiladi, ular tomonidan rad etilgan taqdirda ushbu qiymatda ommaviy savdolarga qo‘yiladi.

2026-yil 1-maydan boshlab quyidagilarga ruxsat beriladi:

muassislarga o‘zining bo‘sh turgan bino va inshootlarini investitsiya davrida tekin foydalanish huquqi asosida korxonalarga berish;

muassislarning bo‘sh turgan yer uchastkalarida korxonaga 5 yilgacha muddatga ijaraga berish orqali yengil konstruksiyali, buzib olib ko‘chirish imkoniyati mavjud bo‘lgan obyektlarni qurish;

muassislarga o‘zining byudjetdan tashqari mablag‘lari hisobidan korxonalarni muayyan muddatda qaytarish sharti bilan moliyaviy qo‘llab-quvvatlash.

Bizni kuzating

Facebook* | Instagram* | YouTube | Telegram

#Qonunchilik_yangiliklari

Endilikda oliy ta’lim va ilmiy muassasalar muassisligida xo‘jalik jamiyati shaklida yangi ishlanmalarga asoslangan “spin-off” korxonalarini tashkil etish mumkin

Oʻzbekiston Respublikasi Prezidentining “Mamlakatda yangi ishlanmalar asosida ishlab chiqarishni tashkil etish tizimini joriy qilish hamda ilm-fanni qo‘llab-quvvatlashning qo‘shimcha chora-tadbirlari to‘g‘risida” 2026-yil 4-apreldagi PF–54-son Farmoni qabul qilindi.

Unga koʻra, oliy ta’lim va ilmiy tashkilotlarning yangi ishlanmalari asosida ishlab chiqarishni tashkil etishning asosiy maqsadlari etib quyidagilar belgilandi:

oliy ta’lim va ilmiy tashkilotlar innovatsion faoliyatini qo‘llab-quvvatlash;

ilmiy tadqiqot natijalarining texnologik transferi tashkiliy-huquqiy asoslarini mustahkamlash, oliy ta’lim va ilmiy tashkilotlarning tadbirkorlik muhitiga moslashuvchanligini oshirish;

ilmiy hajmdor va innovatsion mahsulotlar (tovar va xizmatlar) ishlab chiqarishni yo‘lga qo‘yish;

yangi ishlanmalarni tijoratlashtirish natijasida olinadigan daromadlarini oshirish.

Shuningdek, farmon bilan oliy ta’lim va ilmiy muassasalar muassisligida xo‘jalik jamiyati shaklida yangi ishlanmalarga asoslangan “spin-off” korxonalarini tashkil etishga ruxsat berildi.

➡️Bunda, 2026-yil 1-maydan boshlab korxonalar faoliyatini yo‘lga qo‘yishda:

korxonalar ustav fondining kamida 25 foizi muassislarning byudjetdan tashqari mablag‘lari hisobidan shakllantiriladi;

korxonalar ustav fondidagi davlat ulushini boshqarish funksiyasi ishonchnoma asosida muassislarga beriladi va 5 yil muddat davomida uni xususiylashtirish man etiladi;

korxonalarni davlat ro‘yxatidan o‘tkazish hamda ularning ustav fondidagi davlat ulushi miqdorini o‘zgartirishda tegishli tashkilotlarning ruxsatini olish talab etilmaydi;

korxonalarning ustav fondini venchur fondlar, chet ellik yoki mahalliy investorlar mablag‘lari va qonunchilik hujjatlarida taqiqlanmagan boshqa manbalar hisobidan shakllantirishga ruxsat beriladi;

korxonalar muassislarning Innovatsion faoliyatni qo‘llab-quvvatlash jamg‘armasi mablag‘lari hisobidan tashkil etilganda, u qonunchilik hujjatlarida belgilangan tartibda venchur moliyalashtirishga tenglashtiriladi.

Bizni kuzating

Facebook* | Instagram* | YouTube | Telegram

#Xalqaro_hamkorlik

Qarshi davlat texnika universitetida Germaniyaning “Prosika” kompaniyasi bilan hamkorlikda tashkil etilgan “Xorijiy tillar va kasbga oʻqitish markazi”ning ochilish marosimi boʻlib oʻtdi.

“Prosika” taʼlim, ilm-fan va texnologiya sohalarida faoliyat yurituvchi nemis kompaniyasi boʻlib, hozirda dunyo boʻylab 30 dan ortiq mamlakat va hududlar bilan hamkorlik qilib kelmoqda.

Universitetning “Prosika” bilan yakdilligi talabalar va mahalliy aholi uchun ilk nemis tili oʻqitish dasturini amalga oshirish bilan boshlandi. Mazkur loyiha zamonaviy texnika, intellektual oʻquv platformalari va Yevropa standartlariga mos oʻquv materiallari asosida samarali taʼlim usulini ishlab chiqishga qaratilgan.

Batafsil: https://kstu.uz/uz/news

�� На русском
�� In English

Bizni kuzating

Facebook* | Instagram* | YouTube | Telegram