📍 «Чарнобыльскі Шлях»—2026 у Вільні: далучайцеся да мерапрыемстваў 26 красавіка

Запрашаем далучыцца да памятных акцый, прысвечаных 40-й гадавіне катастрофы на ЧАЭС. Гэта дзень, калі мы ўшаноўваем памяць ліквідатараў (-к) і нагадваем свету пра важнасць экалагічнай бяспекі.

🗓 Расклад падзей:

12:00 — Ускладанне кветак
Урачыстая цырымонія памяці з удзелам дыпламатаў (-к) і прадстаўнікоў (-ц) Офіса Святланы Ціханоўскай.
📍 Месца: помнік «Маці Чарнобыля» (Парк Сапегаў).

13:00 — Забег і велапрабег
📍 Старт: ад помніка «Маці Чарнобыля» адразу пасля ўскладання кветак.
🏁 Маршрут: 3,5 км да плошчы Кудзіркі.

13:00 — Мітынг і канцэрт
📍 Месца: плошча Вінцаса Кудзіркі. З удзелам беларускіх і літоўскіх палітыкаў.

⚫🟡 Па магчымасці выкарыстоўвайце ў вопратцы традыцыйныя колеры акцыі — чорны і жоўты.

🤝 Мерапрыемствы арганізуюць Экадом, «Дапамога», Офіс Святланы Ціханоўскай, Зялёная сетка
і «Зялёная Беларусь».

Прыходзьце самі і запрашайце сяброў. Памятаем мінулае — дбаем пра будучыню! 🌍

🎞️ Варшава! 25 красавіка || Спадчына «чарнобыльскага» руху праз 40 год

Ці ведалі вы, што многія інтэрв’ю, запісаныя для кнігі Святланы Алексіевіч “Чарнобыльская малітва”, можна паглядзець у публічна даступным архіве? Гэтыя запісы — унікальнае акно ў час, калі навукоўцы і дактары яшчэ не баяліся гаварыць праўду пра катастрофу.
Запрашаем на сустрэчу з гісторыкам Уладзімірам Валодзіным і актывісткай Таццянай Новікавай, каб даследаваць спадчыну чарнобыльскага руху.

Чаму варта прыйсці:

👉 Пачуць «нецэнзурную» версію: Уладзімір Валодзін распавядзе пра архіўныя відэаінтэрв’ю Святланы Алексіевіч і Таццяны Логінавай (1995-1996). Гэтыя запісы леглі ў аснову «Чарнобыльскай малітвы», а цяпер захоўваюцца ў Будапешце.

👉 Жывая гісторыя: як грамадства змагалася з наступствамі аварыі і чаму гэты досвед важна перадаць наступным пакаленням?

👉 Рэфлексія: чаму наша памяць пра Чарнобыль сёння становіцца фрагментарнай?

🕒 25 красавіка ў 14:00
📍 Беларускі Моладзевы ХАБ (ul. Dożynkowa 6A, Варшава)

🎟️ Уваход вольны

Фота на вокладцы: vytoki.net

Падзея праходзіць у межах кампаніі «Пасля Чарнобыля: 40 дзён разважанняў пра здароўе, памяць і будучыню» («Зялёная сетка», «Экадом», Альянс «Зялёная Беларусь») пры падтрымцы Dialog büro