#xavfsiz_mahalla

Qashqadaryo viloyati bojxona boshqarmasi boshlig‘i J. Fayzullayev Qamashi tumanidagi “Qushkapa” mahallasida bo‘lib, mahalla “yettiligi” hamda faollari ishtirokida ochiq muloqot o‘tkazdi.

Mazkur uchrashuv O‘zbekiston Respublikasi Prezidentining “Mahallalarda xavfsiz muhitni yaratish va manzilli ishlash tizimini joriy etish to‘g‘risida”gi PQ–1-son qarori ijrosini ta’minlash maqsadida tashkil etildi.

Uchrashuv davomida hududdagi ijtimoiy muammolarni aniqlash va bartaraf etish, jinoyatchilik hamda huquqbuzarliklarning oldini olish, yoshlarni turli yot g‘oyalar va zararli illatlardan asrash masalalari atroflicha muhokama qilindi.

Ta’kidlanganidek, bugungi kunda “Qushkapa” mahallasi “sariq” toifaga kiritilgan bo‘lib, hududda barqaror ijtimoiy-ma’naviy muhit shakllangan. Shu bilan birga, mavjud yutuqlarni mustahkamlash va aholi farovonligini yanada oshirish muhim vazifa sifatida belgilandi.

Xususan, mahallani obodonlashtirish, tomorqa yerlaridan samarali foydalanish orqali aholi daromadlarini ko‘paytirish, pilla yetishtirishni yo‘lga qo‘yish va bu borada aholiga amaliy ko‘mak berish masalalariga alohida e’tibor qaratild

i.

Shuningdek, yoshlar masalasiga alohida urg‘u berilib, ular o‘rtasida sog‘lom turmush tarzini shakllantirish, sportga keng jalb etish hamda bo‘sh vaqtlarini mazmunli tashkil etish yuzasidan mahalla faollari bilan fikr almashildi.