የኢትዮጵያ ንግድ ባንክ ጎንደር ዲስትሪክት የ2018 ዓ.ም የትንሳኤ በዓልን ምክንያት በማድረገ ለአቅመ ደካሞቸ ማዕድ አጋራ።
**********
“ተግተን እናገለግላለን፤ በፍቅር እናጋራለን” በሚል መሪ ቃል በጎንደር ዲስትሪክት በተዘጋጀው በዚህ መርሐ ግብር ላይ የጎንደር ከተማ ከንቲባ አቶ ቻላቸው ዳኜ፣ የኢትዮጵያ ኦርቶዶክስ ተዋህዶ ቤተክርስቲያን የማእከላዊ ጎንደር አገረ ስብከት ጽ/ቤት ሥራ አሥኪያጅ ሊቀ ሥልጣናት ቆሞስ አባ ዮሴፍ ደስታ፤ የጎንደር ዲስትሪክት ዳይሬክተር አቶ መሉጌታ የኔአለም እንዲሁም ጥሪ የተደረገላቸው እንግዶች ተገኝተዋል።

በመርሐ ግብሩ ላይ ከ200 በላይ ለሚሆኑ አቅመ ደካሞች በነፍስ ወከፍ 25 ኪሎ የዳቦ ዱቄት፣ 5ሊትር የምግብ ዘይት፣ ለበአል መዋያ የሚሆን 1,500 ብር ከክብር እንግዶቹ እጅ የተቀበሉ ሲሆን ለተደረገላቸው ስጦታም ባንኩን አመስግነዋል። ይህን የቆየ የመረዳዳት ባህላችንን አጠንከሮ መያዝ እንደሚገባ እና የባንኩ ተግባርም ለሌሎች ተቋማት አርአያ እንደሆነም ገልጸዋለ።

ባንካችን የዘንድሮውን የትንሣኤ በዓል በማስመልከት በሁሉም ዲስትሪክቶች ስር በሚገኙ ጸ/ቤቶቸ አማካኝነት ከአስራ አንድ ሺህ በላይ ለሚሆኑ ወገኖች የማዕድ ማጋራት መርሐ ግብር እያከናወነ ይገኛል፡፡