የኢትዮጵያ ንግድ ባንክ ለጋሞ ዞን የተፈጥሮ አደጋ ተጎጂዎች 11.5 ሚሊዮን ብር ድጋፍ አደረገ፡፡
===========
ባንካችን በደቡብ ኢትዮጵያ ክልል ጋሞ ዞን ጋጮ ባባ ወረዳ በተከሰተው የተፈጥሮ አደጋ ጉዳት ለደረሳባቸው ወገኖቻችን 11.5 ሚሊዮን ብር ድጋፍ አድርጓል፡፡

በድጋፍ መርሃ ግብሩ ላይ የተገኙት የኢትዮጵያ ንግድ ባንክ የደንበኞች አገልግሎት ም/ኘሬዚዳንት አቶ ኃይለየሱስ በቀለ ባንካችን ጉዳቱ በደረሰበት ወቅት በቦታው በመገኘት ድጋፍ ለማድረግ ቃል ገብቶ እንደነበር አስታውሰው ጉዳት ለደረሰባቸው ወገኖቻችን መጽናናትን ተመኝተዋል፡፡

ከተሰጠው ድጋፍ ውስጥ የባንካችን ወላይታ ሶዶ ዲስትሪክት አንድ ሚሊዮን ብር ያበረከተ ሲሆን የኢትዮጵያ ንግድ ባንክ የሠራተኞች ማህበር ደግሞ በማህበሩ ፕሬዚዳንት አቶ አበራ ጌታቸው በኩል 500 ሺህ ብር አበርክቷል፡፡

የጋሞ ዞን ዋና አስተዳዳሪ ዶ/ር ደምሴ አድማሱ የኢትዮጵያ ንግድ ባንክ ባደረገው ድጋፍ የተሰማቸውን ደስታ ገልጸው ሌሎች ተቋማትም የኢትዮጵያ ንግድ ባንክን አርዓያነት መከተል አለባቸው ብለዋል፡፡

በስነስርዓቱ ላይ የኢትዮጵያ ንግድ ባንክ ደቡብ ሪጅን ም/ኘሬዝደንት አቶ ፍፁም አላሎ፣ የጋሞ አባቶች እና ሌሎችም የባንካችን የሥራ ኃላፊዎች ተገኝተዋል፡፡