Inflyatsiya aholining turli daromad guruhlari bo‘yicha qanday farqlanadi?

Inflyatsiya barcha aholi guruhlariga bir xil ta’sir qilmaydi. Chunki turli daromad guruhlari xarajatlarini turli mahsulot va xizmatlarga sarflaydi.

Past daromadli oilalar daromadining katta qismini oziq-ovqat, kommunal xizmatlar, transport va kundalik ehtiyojlarga sarflaydi. Shu sababli aynan zaruriy mahsulotlar narxi oshsa, ular inflyatsiyani kuchliroq his qiladi.

Yuqori daromadli oilalarda esa ta’lim, dam olish, uzoq muddatli tovarlar, moliyaviy xizmatlar va investitsiyalar ulushi yuqoriroq bo‘lishi mumkin. Shuning uchun ular ayrim narx oshishlarini nisbatan yengilroq qabul qilishi mumkin.

Demak, rasmiy inflyatsiya o‘rtacha ko‘rsatkichdir. Har bir oilaning “shaxsiy inflyatsiyasi” esa uning xarajat tarkibiga bog‘liq.

Telegram | Facebook* | Instagram* | Youtube | Linkedin | X