❗️Яқин қариндошларнинг карталарини иловага қўшиш имконияти қайтариладими?

Хабарингиз бор, 22 апрелдан бошлаб киберхавфсизлик бўйича янги низом кучга киради.

Унда мобил иловаларда банк карталарини бириктириш бўйича муҳим истисно тақдим этилмоқда.

Хусусан, мобил иловада рўйхатдан ўтган фойдаланувчи ҳисобга олиш ёзувига (аккаунтга) фақат ушбу шахсга (яқин қариндошларни истисно қилган ҳолда) тегишли бўлган банк ҳисобварағи, банк картаси ва электрон ҳамёнларни бириктиришга ҳамда ушбу ҳисобга олиш ёзуви (аккаунт) орқали жисмоний шахслар ўртасида нақд пулсиз ўтказмаларни амалга оширишга рухсат берилиши кўрсатилган.

Бунда, яқин қариндошларга қариндош ёки қуда томондан қариндош бўлган шахслар, яъни ота-она, туғишган ва ўгай ака-ука ва опа-сингиллар, эр-хотин, фарзанд, шу жумладан фарзандликка олинганлар, бобо, буви, неваралар, шунингдек эр-хотиннинг ота-онаси, туғишган ва ўгай ака-ука ва опа-сингиллари киради.

Лекин, шунга қарамасдан, бугунги кунда банклар томонидан мобил илова фойдаланувисига тегишли бўлмаган барча банк карталари иловалардан чиқариб юборилмоқда.

Қизиқ, 22 апрелдан кейин иловаларга яқин қариндошларга тегишли карталарни қайта қўшиш мумкин бўлармикин?

@bankmijoz