Кредит олишдан аввал барча ўзига бериши лозим бўлган муҳим саволлар

Кредит (микроқарз) бу молиявий имкониятларни ошириш воситаси ҳисобланади. Лекин унитиш керакмаски, шу билан бирга у қарздорга қатъий мажбуриятларни ҳам юклайди.

Шу сабабли, кредит расмийлаштиришдан аввал инсон ўзига айрим саволларни бериши ва жавоб топиши лозим. Демак,

➖ Бу кредит менга ростдан ҳам зарурми? бу эҳтиёжларим учун муҳимми ёки орзуларим учун, уни кутиш имконсизми?

➖ Кредитни ҳар ойда ортиқча қийинчиликларсиз тўлашга имконим етадими? Даромадларим келажакда ошадими ёки камаяди, қатъий режам борми?

➖ Ойлик даромадларим кредит ва бошқа харажатлар учун етарли бўлмасачи? Рўзғор харажатларини камайтиришга тўғри келиб қолмайдими?

➖ Агар ишдан айрилсам ёки доимий даромадим камайса, унда нима бўлади? Банк кредитни ўз вақтида тўламаслигим учун мени кутиб турадими?

➖ Кредит тўловларини ўз вақтида тўлай олмасам нима бўлади? Пенялар қўшилиб тўланадиган сумма яна ҳам ошиб кетмайдими? Банк ходимлари, Суд, МИБ — буларга тайёрманми? Кредит тарихим нима бўлади?

➖ Кредит олишим атрофимдагиларга (оила аъзоларимга) салбий таъсир кўрсатмайдими?

➖ Кредит шартлари билан тўлиқ танишиб чиқдимми ўзи? Қўшимча тўловлар, ортиқча харажатлар, пенялар ҳақида хабардорманми?

Кредит олиш юзасидан қарорни ҳиссиётга берилиб эмас, балки ҳисоб-китоб ва оқилона таҳлил асосида қабул қилаётганингизга амин бўлинг!

@bankmijoz