Кредит ташкилотларига нисбатан санкциялар тартибига ўзгаришлар киритилмоқда

Банклар ва нобанк кредит ташкилотларига нисбатан чоралар ва санкциялар қўллаш тартиби тўғрисидаги низомга (№3492, 23.01.2024 й.) ўзгартириш ва қўшимчалар киритиш бўйича лойиҳа Марказий банк томонидан жамоатчилик муҳокамасига қўйилди.

Лойиҳа билан қандай ўзгариш ва қўшимчалар киритилмоқда?

Микромолия банклари, кафолатлар берувчи ташкилотлар, факторинг ташкилотлари ва кредит бюроларига нисбатан ҳам чора ва санкциялар қўллаш тартиблари белгиланмоқда.

Марказий банк банкнинг айрим молиявий операцияларини чеклаш ёки тақиқлаш мумкин бўлган ҳолатлар рўйхатига киберхавфсизлик талаблари бузилиши ҳам киритилмоқда.

Банклар томонидан мажбурий резервларни ҳисоб-китоб қилиш ва Марказий банкка депозитга ўтказишда содир этилган қоидабузарликлар учун алоҳида чора ва санкциялар белгилаш назарда тутилмоқда.

Банк раҳбар шахсларининг ҳаракати ёки ҳаракатсизлиги қўпол қоидабузарликка сабаб бўлганлигини англатувчи ҳолатлар рўйхати аниқ белгилаб қўйилмоқда.

Чоралар ва жарималар миқдори қайта кўриб чиқилмоқда. Шунингдек, жарималарни банкнинг жами капиталига нисбатан фоиз ҳисобида белгилаш тартиби киритилмоқда.

❗️Барча тегишли раҳбар ва мутахассисларга ушбу лойиҳани ўрганиб чиқиш тавсия этилади.

@bankmijoz